Richard Roberts

Oddi ar Cof y Cwmwd
Neidio i: llywio, chwilio

Ganwyd Richard Roberts (1762-1802) yn Y Ffridd, Nantlle. Aeth yn gynnar i weithio yn Chwarel Cilgwyn. Nid oedd yn hogyn oedd yn cymryd pethau o ddifrif, yn ôl yr hanes, nes iddo wrando ar David Jones, Llan-gan, yn pregethu ym Mryn'rodyn. Newidiodd ei agwedd, gadael y chwarel a mynd i weithio ar y tir. Un fferm lle bu'n was oedd Coed-cae-du, cartref Richard Jones, Y Wern (1772? - 1833). Dioddefodd yn arw o'r crug-gymalau ac er iddo dderbyn addysg mewn ysgol oedd gan Evan Richardson ym Mryn Engan, Eifionydd a chynnal ysgol mewn sawl man yn Eifionydd, fe barhaodd i bregethu nes iddo orfod dewis rhwng y ddwy alwedigaeth. Derbyniodd wahoddiad i weinidogaethu gan gynulleidfa Capel Uchaf (MC), Clynnog Fawr lle bu'n byw yn nhŷ'r capel. Daeth yn bregethwr grymus a phoblogaidd. Bu farw yn 40 oed, 28 Tachwedd 1802.

Eginyn.png Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma

Cyfeiriadau[golygu]