Emanuel Evans

Oddi ar Cof y Cwmwd
Jump to navigation Jump to search

Emanuel Evans (1800-1869) oedd Melinydd Melin Faesog, 1857- 1869

Roedd yn un o ddeg o blant Melin Saethon, Llanfihangel Bachellaeth. Saer melinau ydoedd wrth ei alwedigaeth. Ni chafodd fawr o addysg ond er pan oedd yn ifanc dangosodd chwaeth a medr mawr mewn cerddoriaeth, a chyfansoddodd lawer o donau cynulleidfaol, anthemau, ac amryw ddarnau dirwestol, e.e. Y Babell Ddirwestol a Dagon wedi colli ei barch. Bu am gyfnod yn byw yn Nefyn ac roedd yn arweinydd y Côr Dirwestol yno yn 1857. Wedi hynny symudodd ef a'i deulu i Felin Faesog, Tai'n Lôn, Capel Uchaf, lle yr arhosodd hyd derfyn ei oes, yn Ebrill 1869, yn 69 mlwydd oed, Fe'i claddwyd ym mynwent Eglwys Sant Beuno, Clynnog Fawr, lle nad oes dim yn nodi ei fedd.

Rhagor i ddilyn a throednodiadau (Myrddin Fardd / Sophia Pari-Jones) - fe'i rhestrir mewn llyfr ar wneuthurwyr clociau a chyfeirir ato fel "Emanuel Evans, gwneuthurwr clociau" pan oedd yn byw yn Nefyn." '

Cyfeiriadau

Eginyn.png Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma