Dafydd Wigley

Oddi ar Cof y Cwmwd
Jump to navigation Jump to search
Dafydd Wigley yn areithio

Mae Dafydd Wigley (g.1943) yn un o brif wleidyddion yr 20g yng Nghymru, ac wedi gwasanaethu fel aelod seneddol Arfon (etholaeth) (1974-2001), aelod y Cynulliad Arfon (1999-2003) ac yn aelod o Dŷ'r Arglwyddi, yn cynrychioli Plaid Cymru. Ar ôl graddio ym Mhrifysgol Manceinion a dilyn gyrfa fer ond llewyrchus ym maes rheoli busnes, a bod yn gynghorydd lleol ym Merthyr Tudful, fe'i etholwyd i San Steffan am y tro cyntaf ym 1974. O hynny ymlaen, ni chafodd o erioed ei drechu mewn arholiad ond unwaith, a hynny am Senedd Ewrop. Bu'n llywydd/arweinydd Plaid Cymru am ddau dymor nes iddo orfod ymddeol oherwydd, y tro cyntaf, am salwch difrifol dau o'i feibion, ac wedyn oherwydd ei iechyd ei hun er nad yw hynny erioed wedi ei rwystro rhag bod yn lladmerydd ymysg y mwyaf pwerus a deinamig dros achos Cymru. Tra'n arwain Plaid Cymru yn y Senedd Brydeinig, fe'i wnaed yn aelod o'r Gyfrin Gyngor. Fe'i benodwyd i Dŷ'r Arglwyddi ar enwebiad ei blaid.

Brodor o Ffrwd Cae Du ger Caernarfon yw Dafydd Wigley er iddo gael ei eni yn Derby, yn fab i Elfyn Wigley, trysorydd y sir, oedd yn hanu o Ddyffryn Dyfi'n wreiddiol. Wedi dychwelyd i Arfon, cododd dŷ yn Ffrwd Cae Du, Llanwnda, lle mae o'n byw hyd heddiw gyda'i wraig, y delynores Elinor Bennett.[1]

Eginyn.png Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma

Cyfeiriadau[golygu]

  1. Wicipedia, erthygl ar Dafydd Wigley [1], cyrchwyd, 2.3.2020