Dafydd Glyn Jones

Oddi ar Cof y Cwmwd
Neidio i: llywio, chwilio

Mae Dafydd Glyn Jones (ganed 1941) yn ysgolhaig o'r radd flaenaf a geiriadurwr nodedig, llenor a blogiwr craff, a aned ym mhentref Carmel. Mae'n arbenigwr ar ryddiaith Cymraeg Canol ac mae ei ddiddordebau eraill yn cynnwys hanesyddiaeth Cymru, Saunders Lewis, Robert Jones, Rhoslan, a bywyd a gwaith Emrys ap Iwan.

Cafodd ei addysg yn Ysgol Carmel ac Ysgol Dyffryn Nantlle, Pen-y-groes, ble y disgleiriai fel disgybl. Astudiodd yng Ngholeg Prifysgol Gogledd Cymru, Bangor, ac yng Ngholeg Linacre, Rhydychen.

Treuliodd gyfnod hir fel darlithydd ac wedyn Uwch-ddarlithydd yn yr Iaith Gymraeg a Llenyddiaeth Gymraeg ym Mhrifysgol Cymru, Bangor. Gyda'i gyd-olygydd Bruce Griffiths, golygodd Geiriadur yr Academi. Ymddeolodd o'r brifysgol yn 2000 a gweithiodd yn ddiflino ar ôl hynny. Iddo ef mae llawer o'r diolch fod y Coleg Cymraeg Cenedlaetol wedi dod i fodolaeth.

Llyfryddiaeth[golygu]

Mae Dafydd Glyn Jones yn awdur nifer o erthyglau ar bynciau'n ymwneud â llên a hanesyddiaeth Cymru, e.e.

  • Drych yr Amseroedd (1987)
  • Gwlad y Brutiau (1990)
  • Cyfrinach Ynys Brydain (Darlith Flynyddol BBC Cymru, 1992)

Cyhoeddwyd detholiad o'i ysgrifau ar hanesyddiaeth Cymru yn Agoriad yr Oes (Y Lolfa, 2001).

Yn fwy diweddar, mae o wedi mentro ar ei liwt ei hun i olygu a chyhoeddi cyfres o destunau clasurol Cymraeg dan deitl y gyfres Cyfrolau Cenedl, ymysg pethau eraill, dan argraff Dalen Newydd.https://www.dalennewydd.cymru/

Mae o hefyd wedi dod i'r amlwg yn ystod y 2010au fel blogiwr poblogaidd, craff a chrafog, dan y ffugenw Glyn Adda, [1].

Eginyn.png Mae'r erthygl hon yn eginyn. Gallwch helpu prosiect Cof y Cwmwd drwy ei datblygu.