Arriva

Oddi ar Cof y Cwmwd
Neidio i: llywio, chwilio

Mae Arriva yn gwmni mawr rhyngwladol erbyn hyn, sydd yn rhedeg nifer helaeth o wasanaethau rheilffordd a bysiau ar draws Prydain. Cychwynnodd fel cwmni gwerthu motobeics ail-law yn Sunderland ym 1938, dan yr enw T.Cowie. Ar ôl ehangu i werthu ceir ac wedyn i brynu cwmnïau bysiau, newidiwyd yr enw i Arriva ym 1997. Ffurfiwyd is-gwmni, Arriva UK Bus, yn y man. Yn 2010 prynwyd holl gwmni Arriva gan gwmni rheilfyrdd gwladol yr Almaen, Deutsche Bahn, am £1.585 biliwn. Erys pencadlys y cwmni, fodd bynnag, yn Sunderland.[1]

Arriva a gymerodd drosodd rai o deithiau Crosville yn y sir, ond yn gynyddol cymerodd cwmniau lleol drosodd ac am ryw ddegawd un daith fynd-a-dod y dydd o Fangor i Nantlle oedd unig wasanaeth Arriva yn y cwmwd nes i gwmni Moduron Express ddod i ben ddiwedd 2017. Cafodd Arriva yr hawl i redeg rhai o'u gwasanaethau hwy, gan gynnwys y gwasanaeth o Gaernarfon i Ddinas Dinlle (taith rhif 91) ac ambell i wasanaeth ar y Sul. Lifrai y bysiau yw glas canolig.

Eginyn.png Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma


Cyfeiriadau[golygu]

  1. Wikipedia, erthygl ar Arriva, [1], adalwyd, 29.08.2018.