Fanny Jones
.jpg)
Roedd Fanny Jones yn wraig i'r pregethwr nodedig John Jones, Tal-y-sarn, a hi oedd yn ei gynnal i raddau trwy gadw masnachdy, Nantlle House yn Nhal-y-sarn, tra byddai ef i ffwrdd yn pregethu - am wythnosau weithiau. Fe'i ganed yn Frances Edwards, ac fe briododd â John Jones tua 1823. Nid oedd gan John Jones fawr o grap ar yr iaith fain, yn groes i Fanny, ac roedd hi hefyd yn weddol hyddysg mewn materion busnes, ac arni hi y dibynnai llwyddiant y siop. Mae cyfrifon y siop 1826-1853 ar gael yn y Llyfrgell Genedlaethol. Roedd Fanny Jones yn un o'r ychydig ferched yr ysgrifennwyd cofiant amdanynt yn y 19g, a thrwy hynny diogelwyd llawer o wybodaeth amdani.
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau[golygu]
Darllen Pellach[golygu]
Owain Llewelyn Owain, Cofiant Mrs. Fanny Jones, gweddw y diweddar Barch. J. Jones, Talysarn (1907).
